Որոնում

Այժմ մենք ցուցադրում ենք Հայաստանի և Ռուսաստանի խանութների ապրանքները։ Դասավորությունն երկու երկրներում նույն կերպ է աշխատում։

Կայքում հարցումով որոնելիս ապրանքներն ընտրում է նույն որոնումը, ինչ հավելվածում, իսկ արդյունքների յուրաքանչյուր էջում դրանց դասավորությունը ճշգրտվում է ըստ անվանման. վերևում են այն ապրանքները, որոնց անվանումը լրիվ համընկնում է հարցմանը, հետո՝ այն ապրանքները, որոնց անվանումը սկսվում է հարցմամբ, ապա՝ այն ապրանքները, որոնց անվանումը պարունակում է հարցումը։ Նույն համընկնումն ունեցող ապրանքներից վերևում են երեք և ավելի լուսանկար ունեցողները, իսկ հավասարության դեպքում՝ ավելի նորերը։ Առանց հարցման ապրանքները դասավորվում են նորերից դեպի հները։ Կարող եք ընտրել դասավորություն ըստ գնի կամ ըստ նորության. այդ դեպքում դասավորությունը որոշում է միայն այն՝ հարցման բառերին համապատասխանող բոլոր ապրանքների մեջ։

Հավելվածում և կայքի «Բոլորը» ներդիրում հարցմամբ գտնված ապրանքները դասավորվում են ըստ համապատասխանության. վերևում են այն ապրանքները, որոնցում համընկել են հարցման ավելի շատ բառեր, ավելի քիչ են տառասխալները, և բառերն ավելի մոտ են միմյանց։ Անվանման մեջ համընկնումն ավելի կարևոր է, քան նկարագրության, կատեգորիայի կամ վաճառողի անվան մեջ։ Հավելվածում կարող եք ընտրել դասավորություն ըստ գնի կամ ըստ նորության։

Առաջխաղացվող ապրանքները նշված են «Առաջխաղացվում է» պիտակով։ Կայքում առաջարկություններում և քարտեզի վրա դրանք ցուցադրվում են առաջինը։ Առաջխաղացումը չի ազդում որոնման և հավելվածի քարտեզի դասավորության վրա։